Breaking News

খেনোক দেখি ৰান্ধে বাঢ়ে , খেনোকদেখি ডাংমাৰে গোলাঘাটৰ আঞ্চলিক বনবিষয়া কাৰ্যালয়ে



প্ৰকাশ শৰ্মা, গোলাঘাটঃ খেনোক দেখি ৰান্ধে বাঢ়ে , খেনোকদেখি ডাংমাৰে গোলাঘাটৰ আঞ্চলিক বনবিষয়া কায্যালয়ে ৷ গোলাঘাট বনবিভাগটো এতিয়া ডি এফ অ’ অবিহনে চলাই থকাৰ পূৰ্ণ সুযোগ গ্ৰহণ কৰিছে বিভাগৰ গোলাঘাটলৈ নতুনকৈ অহা দাস উপাধীৰ আঞ্চলিক বন বিষয়া গৰাকীৰ পূৰ্ণ সহযোগত চিণ্ডিকেট চক্ৰই ৷ মূলত এই বিভাগটোৰ বিষয়াৰ লগত কথানেপাতিলেহে অবৈধ বালি ; মাটিৰ আদিৰ গাড়ী কিছূদিনলৈ কৰায়ত্ত কৰি ৰখা হয় যদিও নদীৰ বক্ষত নমোৱা এখনো এছকেভেটৰ বা ফকলেণ্ড জব্দ কৰাৰ উদাহৰণ নাই ৷ নদীৰ অবৈধ বালি সৰবৰাহৰ বাবে বালিমাফিয়াই পুৰণা দলংৰ কাষত কেইবাটাও পথ নিৰ্মাণ কৰাৰ লগতে নতুন দলংৰ সমীপতো পথ নিৰ্মাণ কৰি লৈছে ৷ ডাম্পাৰে সৃষ্টিকৰা ধূলিৰ পৰা ৰক্ষাৰ বাবে ধনশিৰি পাৰঘাট প্ৰাথমিক বিদ্যালয়ৰ চৌহদত নেট দিবলগা হৈছে ৷ বুধবাৰে AS03 AC 5234 অবৈধ বালিভৰ্তী ডাম্পাৰ আৰু বৃহস্পতিবাৰে এখন বালিমাটি ভৰ্ত্তি AS03CC 4609 নম্বৰৰ ডাম্পাৰ দুখন জব্দ কৰি এই কায্যালয়তে ৰাখি দৰদাম চলাই থকাৰ অভিযোগ উঠিছে ৷ গোলাঘাটৰ ধনশিৰিনদীৰ পুৰণা আৰু নতুন দলংৰ বক্ষত এছকেভেটৰ নমাই পাৰ খান্দি বালি মাফিয়াই দৈনিক শতাধিক গাড়ী পলসুৱামাটি দিনে নিশাই নিথকা হৈছে ৷ চিণ্ডিকেট চক্ৰটোৱে নদীৰ বক্ষত বিৰাট দ পুখুৰীৰ সৃষ্টি কৰি জীৱজন্তু আৰু মানুহৰ জীৱনলৈ ভাবুকী আনিছে ৷ পুৰণা দলংৰ সমীপৰ এনে এটা গাঁতত কিছূদিনৰ পূৰ্বে এটি শিশুৰ মৃতদেহ উদ্ধাৰ হোৱাৰ পিছত স্বয়ং জিলা আয়ুক্তই বালিমাটি খনন বন্ধৰ নিৰ্দেশ দিছিল যদিও স্বয়ং ৰেঞ্জাৰৰ সহযোগত এই ধনৱন্ত চিন্ডিকেট চক্ৰটোৱে বিষয়টো অৱজ্ঞা কৰা পৰিলক্ষিত হৈছে ৷যধেমধে নদীৰ পাৰ খনন কৰাৰ ফলত বাৰিষা কাষৰীয়া এলেকাত বানপানী সৃষ্টি হোৱাত কাষৰীয়া গাঁৱৰ ৰাইজে আশ্ৰয় শিৱিৰত থাকিবলগীয়া হয় ৷ উল্লেখ্যযে গোলাঘাটৰ ডি এফ অ সুশীল কুমাৰ ঠাকুৰীয়াই অৱসৰ গ্ৰহণ কৰাৰ পিছত তেওঁৰ ঠাইত নতুন বিষয়া নহাৰ বাবে উঠিৰজা বহিৰজা হৈ পৰিছে দাস উপাধীৰ গোলাঘাট আঞ্চলিক বনবিষয়া গৰাকী গতিকে এনে দৰে কৰিথকা অবৈধ খনন মূল ব্যক্তিক চিনাক্ত কৰি বিহিত ব্যৱস্থা লবলৈ ৰাইজে দাবী জনাইছে ৷

No comments