শিক্ষাবিদ, অভিনেতা কৃষ্ণ কমল বৰদলৈ আৰু নাই

গোলাঘাট ঃ গোলাঘাট ষ্টেচন ৰোডৰ স্থায়ী বাসিন্দা তথা গোলাঘাট এমেচাৰ থিয়েটাৰ ছচাইটিৰ বিষয়ববীয়া, নাট পৰিচালক, অভিনেতা, গোলাঘাট এমেচাৰ থিয়েটাৰ ছচাইটিৰ জীৱনজোৰা সাধনা বঁটা প্ৰাপক, গোলাঘাট চৰকাৰী বেজবৰুৱা উচ্চতৰ মাধ্যমিক বিদ্যালয়ৰ অৱসৰপ্ৰাপ্ত সহকাৰী অধ্যক্ষ, গোলাঘাটৰ চান্দমাৰীস্থিত নিউ গাৰ্লছ  হাইস্কুলৰ প্ৰতিষ্ঠাপক, গোলাঘাট চৰকাৰী পেঞ্চনাৰ সন্থাৰ বিষয়ববীয়া _ কৃষ্ণকমল বৰদলৈ আৰু এই পৃথিৱীত নাই | বৰদলৈয়ে বাৰ্ধক্যজনিত কাৰণত ১৭ মাৰ্চ ৰ দিনৰ ১:৩০ বজাত গুৱাহাটীৰ নেম কেয়াৰ হস্পিতালত শেষ নিশ্বাস ত্যাগ কৰে ৷ তেখেতৰ পত্নী শুভি বৰদলৈয়েও চলিত বৰ্ষৰ ৬ জানুৱাৰীত ইহসংসাৰ ত্যাগ কৰিছিল ৷ মৃত্যুৰ সময়ত তেখেতে একমাত্ৰ পুত্ৰ সমৰ জ্যোতি বৰদলৈ সহ তিনি জন ভাতৃ, চাৰি গৰাকী ভাই-বোৱাৰী আৰু বহু সংখ্যক আত্মীয়ক ইহ সংসাৰত এৰি থৈ গৈছে ৷ তেখেতৰ মৃত্যুত গোলাঘাটত শোকৰ ছাঁ পৰিছে  |