গোলাঘাট মেহন্দীপুৰ বালাজী মন্দিৰত অখণ্ড ভাগৱত পাঠ অনুষ্ঠান :

ডিজিটেল সংবাদ, গোলাঘাটঃ গোলাঘাটৰ বাগিচা নগৰস্থিত  মেহেন্দীপুৰ বালাজী মন্দিৰৰ ৩২ সংখ্যক প্ৰতিষ্ঠা দিৱস যোৱা ৩ নৱেম্বৰৰ পৰা সপ্তাহজোৰা কাৰ্যসূচীৰে  উদযাপন কৰা হৈছে।  গোলাঘাট মেহেন্দীপুৰ বালাজী মন্দিৰ আৰু আঠখেলীয়া আঞ্চলিক শ্ৰীমদ অখণ্ড ভাগৱত পাঠ সমিতিৰ উদ্যোগত আৰু গোলাঘাটবাসীৰ সহযোগত এই অনুষ্ঠানৰ আয়োজন কৰা হৈছে। কাৰ্যসূচীৰ প্ৰথম দিনাৰ পৰা শ্ৰীমদ্ভাগৱত অখণ্ড পাঠ সফলতাৰে চলি আছে।  এই সময়ছোৱাত মন্দিৰ চৌহদ আধ্যাত্মিক সজ্জাৰে সজাই তোলা হৈছে আৰু ইয়াত মাখন গগৈ, বাবুল গগৈ আৰু দিলীপ চেতিয়াই অৰিহণা যোগাইছে। 

মৰেন মহন্তৰ তত্বাৱধানত  সমগ্ৰ শ্ৰীমদ্ভাগৱত  অখণ্ড পাঠ  চলি আছে।  আঠখেলীয়া খণ্ড শ্ৰীমদ্ভাগৱত অখণ্ড পাঠ সমিতিৰ কঠোৰ পৰিশ্ৰমী সদস্যসকলৰ ভিতৰত বুধেন বৰুৱা, ভূৱন চন্দ্ৰ বৰা, ডিম্বেশ্বৰ বৰা, ক্ষীৰেশ্বৰ শইকীয়া, দেৱকান্ত বৰা, ধনীৰাম বৰা, তুলেন বৰা, লোকেশ্বৰ বৰা, মনি বৰা, প্ৰফুল্ল শইকীয়া, দুলেশ্বৰ বৰা, আকন বৰা, লিখুন বৰা, যোগেশ্বৰ  গগৈ, নীৰেন শইকীয়া, খগেন বৰা, সৰুধন শইকীয়া, কেশৱ গগৈয়ে অখণ্ড পাঠ কাৰ্যসূচী সুচাৰুৰূপে চলাই নিয়াৰ ক্ষেত্ৰত যথেষ্ট সহযোগিতা আগবঢ়াইছে। এই ক্ষেত্ৰত স্থানীয় ৰাইজৰ সঁহাৰিও আশাব্যঞ্জক। মেহন্দীপুৰ বালাজী মন্দিৰ সমিতিৰ নেতৃত্বত থকা মহন্ত অশোক বাউৰী, মন্দিৰ সমিতিৰ দিলীপ শইকীয়া, স্বাগতা বৰা শইকীয়া, সোনেশ্বৰ বৰা, মৃদুল বৰা, নুপুৰ ফুকন, প্ৰদীপ শইকীয়া, দিলীপ শইকীয়া, সোনেশ্বৰ শইকীয়া, সুভা শইকীয়া, স্বপ্না শইকীয়া , ৰাজকুমাৰ আগৰৱালা, ওম প্ৰকাশ গোৱেল, নীৰজ জালান, তেজ কুমাৰ বাউৰী, তনিষ্ক বাউৰী, সিদ্ধাৰ্থ বাউৰী, শৰৎ বিয়ানী, মতিলাল আগৰৱালা, ৰঞ্জিত মিট্টাল, প্ৰকাশ আগৰৱালা আদিয়ে অনুষ্ঠানৰ আয়োজন, প্ৰসাদৰ ব্যৱস্থা, আদৰণিৰ ব্যৱস্থা আৰু অন্যান্য ব্যৱস্থাত যথেষ্ট অৰিহণা আগবঢ়াইছে।

আউনীআটী সত্ৰৰ সত্ৰাধিকাৰ শ্ৰী শ্ৰী ড° পীতাম্বৰ দেৱ গোস্বামীয়ে উদ্বোধন কৰা আৰু অহা ১০ নৱেম্বৰলৈকে চলিব লগীয়া উক্ত শ্ৰীমদ্ভাগৱত পাঠ অনুষ্ঠানত সকলো লোকৰ উপস্থিতি আৰু সহযোগিতা কামনা কৰিছে উদ্যোক্তা সকলে।