১৫ বছৰৰ বাবে গুজৰাটী প্ৰতিষ্ঠানক হস্তান্তৰ গুৱাহাটীৰ দীঘলীপুখুৰী

ক্ষমতাৰ অপ-প্ৰয়োগেৰে ৰাজ্য চৰকাৰখনে এটাৰ পিছত এটাকৈ অসমৰ আপুৰুগীয়া সম্পত্তিসমূহ বহি:ৰাজ্যৰ বিভিন্ন প্ৰতিষ্ঠান পুঁজিপতি আদিক হস্তান্তৰ কৰা কথাত জনসাধাৰণৰ মাজত ব্যাপক প্ৰতিক্ৰিয়াৰ সৃষ্টি হৈছে। "জাতি-মাটি-ভেটি ৰক্ষাৰ প্রতিশ্রুতিৰে শাসনলে অহা বি জে পি চৰকাৰখনে এপদ এপদ কৈ অসমৰ ৰাজহুৱা সম্পদ বহিঃ ৰাজ্যৰ পুঁজিপতি, গুজৰাটৰ ব্যৱসায় প্রতিষ্ঠানক গতোৱাৰ প্ৰতিযোগিতাত নামি পৰিছে।তথাকথিত উন্নয়নৰ নামত চৰকাৰখনে বহিঃ ৰাজ্যৰ প্ৰতিষ্ঠানক অসমলৈ ৰঙা দলিচাৰে আদৰণি জনাইছে। "এই অভিযোগ আপ, অসমৰ ৰাজ্যিক সমিতিৰ উপ সভাপতি জিতুল ডেকাৰ। শুকুৰবাৰে আপৰ মুখ্য কাৰ্যালয়ত অনুষ্ঠিত এখন সংবাদ মেলত জিতুল ডেকাই এই অভিযোগ কৰি কয় - সকলো সা সুবিধা থকাৰ পিছতো চৰকাৰী বিভাগসমূহো এতিয়া ব্যক্তিগত প্ৰতিষ্ঠানৰ ওপৰত নিৰ্ভৰশীল হব লগা হৈছে। ইতিমধ্যে চৰকাৰী সদিচ্চাৰ অভাৱত ৰাজহুৱা খণ্ডৰ উদ্যোগ-প্ৰতিষ্ঠান এফালৰ পৰা ব্যক্তিগতকৰণ হব ধৰিছে। চৰকাৰে ৰাজহুৱা খণ্ডৰ অসম ৰাজ্যিক পৰিবহণ নিগমৰ ২০০খনকৈ ইলেকট্রিক বাছ, পশু চিকিৎসা বিভাগৰ ভ্ৰাম্যমাণ চিকিৎসা গোটক ব্যক্তিগত প্রতিষ্ঠানক গতাবলৈ প্রস্তুতি চলাইছে। শেহতীয়াকৈ এই বিকাশ আৰু উন্নয়নৰ জয়ঢোল বজোৱা বিজেপি চৰকাৰখনে গুৱাহাটীৰ মাজমজিয়াত থকা সৌন্দৰ্যৰ আকৰ স্বৰূপ গুৱাহাটীৰ গৌৰৱ দীঘলীপুখুৰীটোও শেহতীয়াকৈ গতাইছে গুজৰাটৰ ব্যৱসায়ী প্রতিষ্ঠানক। ইচি এইচ টি কংলোমেৰাত প্রাইভেট লিমিটড ' নামৰ গুজৰাটৰ আহমেদাবাদৰ প্রতিষ্ঠানটোক দীঘলীপুখুৰীৰ লগতে তাৰ পাৰ্ক, ৰেস্তোৰাঁ, নৌকা আদি সকলো ১৫বছৰৰ বাবে আবণ্টন দিছে পর্যটন বিভাগে। এই দীঘলীপুখুৰীৰ পাৰ্ক, ৰেস্তোৰাঁ আদি আগতে এগৰাকী অসমীয়া লোকে চলাইছিল। নাও কেইখন চলাইছিল বিভাগে নিজে। কিন্তু হঠাৎ চৰকাৰে এনেদৰে গুজৰাটৰ বি ব্যৱসায়িক গটাই দিয়া কার্যই হোটেল, ৰেস্তোৰাৰ ব্যৱসায় কৰা সকল অসমীয়া ব্যৱসায়ী সকল আচৰিত হৈছে। কাৰণ অসমত এতিয়া হোটেল, পর্যটন ক্ষেত্ৰখনত বহু স্থানীয় সফল উদ্যোগীয়ে আত্মপ্রকাশ কৰিছে। কিন্তু চৰকাৰৰ নজৰত দীঘলীপুখুৰীৰ পৰ্যটন ক্ষেত্ৰখন চলাব পৰা কোনো অসমীয়া উদ্যোগী নোলাল। সেয়ে গুজৰাটৰ ব্যৱসায়িক দীঘলীপুখুৰীটোও গতাব লগা হল। পর্যটন বিভাগে এই নিবিদা প্রক্রিয়া স্বচ্ছতাৰে সম্পন্ন কৰা হোৱা নাছিল। এই । নিবিদাৰ কথা বহুল ভাবে প্ৰচাৰো কৰা নহল। যিখন চৰকাৰে । নিবনুৱাক ব্যৱসায় কৰিবলৈ দুই লাখ টকাকৈ আর্থিক সাহায্য দিয়াৰ কথা ঘোষণা কৰিছে সেইখন চৰকাৰে দীঘলীপুৰীক কেন্দ্ৰ কৰি গঢ় লৈ উঠা ব্যৱসায়সমূহ অসমীয়া যুৱকক দিব । লাগিছিল। সাধাৰণ দীঘলীপুখুৰীটোও গুজৰাটৰ ব্যৱসায়ী প্রতিষ্ঠানক গতোৱা চৰকাৰখনে সংগোপনে আৰু কি কি সম্পদ । গতাব, তাৰ ওপৰত নজৰ ৰাখিব লাগিব। হয়তো কাইলৈ । শিলসাঁকো অঞ্চলটোও এনে ব্যক্তিগত প্রতিষ্ঠানক গতাই দিব । বুলি জিতুল ডেকাই সদৰি কৰে। আনহাতে সংবাদমেলত আপৰ সাংগঠনিক সম্পাদক দীপাংকৰ কলিতা আৰু যুটীয়া সম্পাদক অম্লানজ্যোতি হাতীবৰুৱা উপস্থিত থাকে।