ছেপ্তেম্বৰত ভাৰত জোড়ো যাত্ৰাৰ দ্বিতীয় পৰ্ব আৰম্ভ কৰিব ৰাহুল গান্ধীয়ে

ছেপ্তেম্বৰত ভাৰত জোড়ো যাত্ৰাৰ দ্বিতীয় পৰ্ব আৰম্ভ কৰিব ৰাহুল গান্ধীয়ে। ভাৰত জোড়ো যাত্ৰাৰ অভূতপূৰ্ব সফলতাৰ পিছত, কংগ্ৰেছ দলে গুজৰাটৰ পৰা অৰুণাচল প্ৰদেশলৈ দ্বিতীয় পৰ্যায়ৰ বাবে পৰিকল্পনা আৰম্ভ কৰিছে। এই যাত্ৰা পশ্চিমৰ পৰা পূবলৈ যাত্ৰা কৰিব। গুজৰাটৰ পোৰবন্দৰৰ পৰা আৰম্ভ কৰি সমাপ্ত কৰিব অৰুণাচল প্ৰদেশৰ পৰশুৰাম কুণ্ডত। ভাৰত জো়ড়ো যাত্ৰাৰ দ্বিতীয় পৰ্যায়টোবাৰিষাৰ পিছত আৰম্ভ হোৱাৰ সম্ভাৱনা আছে, সম্ভৱতঃ ছেপ্টেম্বৰত। এই যাত্ৰা ২০২৪ চনৰ চনৰ প্ৰথম মাহলৈকে অব্যাহত থাকিব। ইয়াৰ দ্বাৰাই দলটোক এপ্ৰিল-মে'ত অনুষ্ঠিত হ'বলগীয়া লোকসভা নিৰ্বাচনৰ প্ৰচাৰত সহায় কৰিব বুলি আশা কৰা হৈছে। 

দলটোৰ নেতা তথা প্ৰাক্তন সভাপতি ৰাহুল গান্ধীয়ে দ্বিতীয় পৰ্যায়তো পূৰ্বৰ দৰেই নেতৃত্ব দিব। এইক্ষেত্ৰত দলটোৱে ইয়াক প্ৰথম পৰ্যায়তকৈঅধিক আকৰ্ষণীয় কৰাৰ পৰিকল্পনা কৰিছে। ইয়াৰ উদ্দেশ্য হ’ব বিজেপি আৰু অন্যান্য প্ৰতিদ্বন্দী দলসমূহৰ হাতত পৰাজিত হোৱা ৰাজ্যসমূহ পুনৰ প্ৰাপ্ত কৰা, আৰু দেশৰ বিভিন্ন প্ৰান্তত ইয়াৰ পদচিহ্ন এৰি দিয়া।