অহা বছৰৰ ডিচেম্বৰৰ মাজভাগতে দেশৰ প্ৰথমটো পানীৰ তলৰ মেট্ৰ' ৰে'ল প্রকল্প কাৰ্য্যক্ৰম হ'ব।

ডিজিটেল ডেস্ক: এই কথা শুক্ৰবাৰে কলকাতা মেট্ৰ' ৰে'ল কৰ্প'ৰেচনে প্রকাশ কৰিছে। নিগমৰ এজন জেনেৰেল মেনেজাৰ শৈলেশ কুমাৰৰে শুক্ৰবাৰে প্ৰকাশ কৰামতে পশ্চিমবংগৰ হুগলী নদীৰ তলেৰে নিৰ্মাণ কাৰ্য্য চলি থকা ‘ইষ্ট-ৱেষ্ট মেট্ৰ' কৰিডৰ প্ৰজেক্ট'ৰ কাৰ্য্য  তীব্ৰগতিত  চলি আছে। এই মেট্র' প্রকল্পই হাওড়া আৰু কলকাতাৰ মাজত সংযোগ স্থাপন  কৰিব। বর্তমান জাৰ্মানীৰ পৰা অনা মেচিনেৰে হুগলীৰ তলেৰে সুৰংগ খান্দি থকা হৈছে।