বন্যপ্ৰাণী (সুৰক্ষা) সংশোধনী বিধেয়ক সংসদত গৃহীত, হাতীৰ মালিকীস্বত্বৰ অনুমতি

ৰাজ্যসভাই বৃহস্পতিবাৰে বন্য জীৱন (সুৰক্ষা) সংশোধনী বিধেয়ক, ২০২২ গৃহীত কৰে, যিয়ে আইনৰ অধীনত সুৰক্ষিত প্ৰজাতিবোৰ বৃদ্ধি কৰিবলৈ বন্য জীৱন (সুৰক্ষা) আইন, ১৯৭২ সংশোধন কৰিব। এইবছৰ বৰ্ষাকালীন অধিৱেশনৰ সময়ত লোকসভাৰ দ্বাৰা ইয়াক গৃহীত কৰা হৈছিল।

বিধেয়কখনে বন্য প্ৰাণী আৰু উদ্ভিদৰ বিপদাপন্ন প্ৰজাতিৰ ওপৰত আন্তৰ্জাতিক বাণিজ্য সন্মিলনৰ অধীনত ভাৰতৰ দায়বদ্ধতাসমূহ কাৰ্যকৰী কৰিব বিচাৰিছে, যাৰ বাবে দেশসমূহে অনুমতিৰ জৰিয়তে সকলো তালিকাভুক্ত নমুনাৰ বাণিজ্য নিয়ন্ত্ৰণ কৰিব লাগিব।

পৰিৱেশ মন্ত্ৰী ভূপেন্দ্ৰ যাদৱে বিধেয়কখনৰ ওপৰত মন্তব্য কৰি কয় যে বিধেয়কখন এইবাবেই সংশোধন কৰা হৈছে যে চিআইটিইএছক বন্যপ্ৰাণী সুৰক্ষাৰ বাবে এক স্বতন্ত্ৰ পৰিকাঠামোৰ প্ৰয়োজন।

গৃহীত হোৱাৰ পিছত বিধেয়কখনে ১৯৭২ চনৰ আইনৰ ধাৰা ৪৩ সংশোধন কৰি মালিকীস্বত্বৰ বৈধ প্ৰমাণপত্ৰ থকা ব্যক্তি এজনৰ দ্বাৰা ধৰ্মীয় আৰু অন্যান্য উদ্দেশ্যৰ বাবে বন্দী হাতী স্থানান্তৰ বা পৰিবহনৰ অনুমতি প্ৰদান কৰিব।

সংশোধিত আইনখনৰ গইনা লৈ চোৰাং হাতী বেপাৰীয়ে বনাঞ্চলৰ পৰা বনৰীয়া হাতী ধৰি ঘৰচীয়া কৰি বহিঃৰাজ্যত বিক্ৰী কৰাৰ থল থকাতো নুই কৰিব নোৱাৰি।