প্ৰথম বাৰৰ বাবে অনুষ্ঠিত হোৱা ভাৰত বাংলাদেশ মৈত্ৰী চাইকেল যাত্ৰাৰ যোৱা নিশা সফল সামৰণি পৰে।

 

প্ৰথম বাৰৰ বাবে অনুষ্ঠিত হোৱা ভাৰত বাংলাদেশ মৈত্ৰী চাইকেল যাত্ৰাৰ যোৱা নিশা সফল সামৰণি পৰে। ৩০ ছেপ্টেম্বৰ তাৰিখে গুৱাহাটীৰ পৰা ফ্লেগ কৰা এই দলটোৱে মেঘালয়ৰ দাওঁকী সীমান্ত হৈ বাংলাদেশত প্ৰবেশ কৰিছিল। 

গুৱাহাটী স্থিত 'ৰেইনড্ৰপচ' নামৰ সংস্থাটোৱে আয়োজন কৰা এই চাইকেল যাত্ৰাৰ লক্ষ্য আছিল দুয়ো দেশৰ মাজত সম্পৰ্ক আৰু অধিক শক্তিশালী কৰাৰ লগতে বাণিজ্য, পৰ্য্যটন আৰু কালচাৰেল এক্সচেঞ্জ আদি বিষয়ত ফলপ্ৰসূ সহযোগৰ আৰম্ভনী কৰা। 

শান্তি আৰু মৈত্ৰীৰ বাৰ্তা কঢ়িয়াই নিয়া চাইকেল আৰোহী সকলে ঢাকাত দুৰ্গাপূজাৰ আয়োজন দেখি অভিভূত হয়। এই দহ জনীয়া দলটোৰ নেতৃত্ব দিছিল আবিদ আজাদে, ভাগ লোৱা সকল আছিল ক্ৰমে শিৱম শৰ্মা, ছফিউজ জামান, ইৰাণী শইকীয়া, ৰাহুল দেৱ নাথ, শিখা বৰুৱা, আস্মা বেগম, সুভাষ চন্দ্ৰ, মনোজ কুমাৰ মিশ্ৰ আৰু ইমৰান হুছেইন । 

দলটোৱে যাত্ৰাৰ সময়ত বিভিন্ন ট্ৰেড ইউনিয়ন, সাইকলিং কমিওনিতি, চিভিল ছছাইটি আৰু শৈক্ষিক বিষয়ৰ লোকৰ সৈতে আলোচনাত মিলিত হয় । ১০ দিনৰ এই যাত্ৰাৰ অংশ আছিল চিলেট, মৌলবি বজাৰ, ঢাকা আৰু কক্স বজাৰ অঞ্চল। 

আমাৰ এই প্ৰচেষ্টাৰ লক্ষ্য আছিল দুইখন দেশৰ সাধাৰণ নাগৰিকৰ মাজত মনৰ দূৰত্ব কম কৰা আৰু দ্বিপাক্ষিক সহযোগৰ নতুন অধায় সূচনা কৰা, দলটোক নেতৃত্ব দিয়া আবিদ আজাদে কয়।

দলটোৱে ঢাকা বিশ্ববিদ্যালয়ৰ পৰ্যটন বিভাগৰ সৈতেও এক্সচেঞ্জ প্ৰগ্ৰাম আৰু কলাবৰেচন সম্পৰ্কে এক আলোচনাত মিলিত হয়। এই আলোচনাৰ আঁত ধৰা শিৱম শৰ্মাই যথেষ্ট ফলপ্ৰসূ হোৱা বুলি আমাক জানিবলৈ দিয়ে।