বিজেপিয়ে অগণতান্ত্ৰিক উপায়েৰে মহাৰাষ্ট্ৰৰ উদ্ধৱ চৰকাৰক নমাই আনিছেঃ মমতা বেনাৰ্জী

একনাথ চিন্দে চৰকাৰৰ আস্থা ভোটৰ পূৰ্বে, এনচিপি ৰ চুপ্ৰিমোৱে দাবী কৰিছিল যে শিন্দে-বিজেপি চৰকাৰ ছয় মাহৰ অধিক সময় স্থায়ী নহ'ব। তেওঁলোকৰ চৰকাৰ তাচৰ ঘৰৰ দৰে খহি পৰিব। এতিয়া মমতা বেনাৰ্জীয়েও শৰদ পাৱাৰৰ মন্তব্যৰ প্ৰতি সমৰ্থন আগবঢ়াইছে। 

মমতা বেনাৰ্জীয়ে চিন্দে বিজেপি চৰকাৰৰ ওপৰত তীব্ৰ আক্ৰমণ চলাইছে। তেওঁ বিজেপিক আক্ৰমণ কৰি কয়, "বিজেপিয়ে অগণতান্ত্ৰিক উপায়েৰে মহাৰাষ্ট্ৰৰ উদ্ধৱ চৰকাৰক নমাই আনিছে। তেওঁলোকৰ চৰকাৰ দীৰ্ঘদিন ধৰি স্থায়ী নহ'ব।" মন কৰিকৰিব লগীয়া যে উদ্ধৱ ঠাকৰেৰ সৈতে মমতা বেনাৰ্জীৰ ভাল সম্পৰ্ক আছে। উদ্ধৱ ঠাকৰে বিৰোধী ঐক্যত যোগদান কৰিবলৈ ওলাইছিল। মমতা মুম্বাইলৈ গৈছিল আৰু উদ্ধৱ ঠাকৰেৰ সৈতে কেইবাখনো বৈঠকত মিলিত হৈছিল। উদ্ধৱ ঠাকৰেয়ে আনকি ২০২১ চনৰ নিৰ্বাচনত জয়লাভ কৰাৰ পিছত মমতা বেনাৰ্জীক ফোন কৰিছিল আৰু তেওঁক শুভেচ্ছাও জনাইছিল। 

বিজেপিক লক্ষ্য কৰি মমতা বেনাৰ্জীয়ে কয় যে এই নিৰ্বাচনত বিজেপিক উৎখাত কৰিবলৈ ৰাইজে ভোট দিব। যিসকলে পাৰিবাৰিক ৰাজনীতিৰ বিষয়টো উত্থাপন কৰিছে, তেওঁলোকৰ নিজৰ পৰিয়ালৰ সদস্যসকল একাধিক পদত আছে। মমতাই বিচিচিআইৰ সচিব হোৱাৰ বাবে অমিত শ্বাহৰ পুত্ৰক সমালোচনা কৰিছিল।