“মেকানিকেল ইঞ্জিনিয়াৰিঙৰ পিছত কেৰিয়াৰৰ পথ (Career Paths after Mechanical Engineering)” শীৰ্ষক আলোচনা চক্ৰ সম্পৰ্ণ ।

ডিজিটেল সংবাদ, গুৱাহাটীঃ অসম ডনব’স্ক’ বিশ্ববিদ্যালয়ৰ যান্ত্রিক অভিযান্ত্রিক বিভাগৰ উদ্যোগত “মেকানিকেল ইঞ্জিনিয়াৰিঙৰ পিছত কেৰিয়াৰৰ পথ (Career Paths after Mechanical Engineering)” শীৰ্ষক এখন আলোচনা চক্ৰ ২৭ মে’ তাৰিখে  অনুষ্ঠিত হয় । আলোচনা চক্ৰখনত সমল ব্যক্তি হিচাপে উপস্থিত থাকে অসম ডনব’স্ক’ বিশ্ববিদ্যালয়ৰ  যান্ত্রিক অভিযান্ত্রিক বিভাগৰ মুৰব্বী তথা ৰাজ্যখনৰ এগৰাকী আগশাৰীৰ কেৰিয়াৰ পৰামৰ্শদাতা ড° বুলজিৎ বুঢ়াগোহাঁই । মেকানিকেল ইঞ্জিনিয়াৰিঙৰ শিক্ষাৰ্থীসকলে নিজৰ দক্ষতা প্রকাশ কৰিব পাৰিলে ভৱিষ্যতে কেনেধৰণৰ কেৰিয়াৰ গঢ়াৰ সুবিধা লাভ কৰিব পাৰে সেই বিষয়ে তেওঁ বাখ্যা আগবঢ়ায় লগতে  শিক্ষাৰ্থীসকলৰ  বিভিন্ন প্ৰশ্নৰ উত্তৰ  দিয়ে । আলোচনা চক্ৰখনত  ড° বুলজিৎ বুঢ়াগোহাঁয়ে শিক্ষাৰ্থীসকলক  মেকানিকেল ইঞ্জিনিয়াৰিঙৰ ডিগ্ৰী লাভ কৰাৰ পিছত উচ্চ শিক্ষা গ্রহণৰ বাহিৰেও বিভিন্ন বিকল্পৰ বিষয়ে অৱগত কৰে । যান্ত্রিক অভিযান্ত্রিক বিভাগৰ সহকাৰী অধ্যাপক লীনা এইছ নেমাদে আৰু অসম ডনব’স্ক’ বিশ্ববিদ্যালয়ৰ প্ৰশিক্ষণ আৰু নিযুক্তি বিষয়া  শ্বাহনোৱাজ হুছেইনেও  বক্তব্য ৰাখে ।